القائمة الرئسية

أحدث الكاتب

testar
testar

الماضي الكاتب نشط

جورجينا بهنام
جورجينا بهنام

الكاتب عشوائي

انمار رحمة الله
انمار رحمة الله

من نحن

about us

شعر شعبي/محمد وأحمد مختار وبشير

حامد كعيد الجبوري
حامد كعيد الجبوري
  حامد كعيد الجبوري  

 

محمد وأحمد مختار وبشير

 

يا يتيم الملك أسرار الوجود

يا أبو الأيتام يا كلب السمح
روضه بين القبر والمنبر أكيد

واليكف ما بينهن هذا الربح
أمتللين أذنوب واليعزم يتوب

أبلا ذنب يرجع وجفته الترتجح
درب معسر موحش ومعتم طويل

الدنيه ظلمه وبسمك أنجيب الصبح
محمد وأحمد مختار وبشير

المصطفه والسار نهجك يفتلح
أتـنور طيبه تزدهي وتشرفت

أبفيض جودك والنكر فضلك جبح
يا وسيع الباب يم بابك رجيت

واليريد الفرج بالدعوه يلح
أنتخيتك وأنتخيتك وأنتخيت

عاصي أجيت أبسيل عطفك أنصلح

**
ميت حي سيوفهم تروي الذئاب

تقترب لله لولادك ذبح
للجريمه أجذور من يوم الوحي

طمطموا والعار سر وينفضح
للبقيع أرمال عاين وأشتكه

لله ودموعه على الشيبه تسح
حصن مرعب والنبي أبوسطه أسير

بيد سجانين مكسور الجنح
أعترف أن الحرم هيبه و جبير

مو أله التعمير لجيوب الفلح
وين زهرائك يبو الزهره البتول

الببيها والحسنين صدرك ينشرح
الجسره صارت سيدي أبيوم الخميس

خذوا رادتهم أبدمكم ينسفح
من ضلع زهرائك ومحسن يسيل

للطفوف الدمه من يثرب نضح
بيت للأحزان تبني وهدموه

جرعوها الويل بوجوه الكلح
والهظيمه سيدي التاكل الروح

عالجبال القمم يتعله السفح
ومن هذاك اليوم نجريها الدموع

وللفرح نتخاصم وما نصطلح

**
وين زهرائك يبو الزهره البتول

أبيا كتر من روضتك مدفونه
بس غبت عنها أبتده فصل العذاب

اليوم مثلك بالحزن مسجونه
يا رسول الله وأميرك جردوه

جلس بيته وبيعته أينكرونه
خضع لله وبوصيتك ملتزم

همته فقاره وتدور عيونه
لولا أمرك كلب عاليها ونهض

وقيد أبقيد الذي أيقيدونه
يا رسول الله أبكلب مدمي وحزين

يريد نلثم تربتك منعونه

يا رسول الله طال الأنتظار

أشوكت غايببنه يحل فرحونه



حامد كعيد الجبوري


 

2014-07-29 - عدد القراءات #13229 - تعليق #0 - الشعر الشعبي

WRITE_COMMENT_HERE

فراديس العراق - مؤسسة ثقافية اعلامية مستقلة
مدير الموقع - ثائرة شمعون البازي